तुलसीपुर, एक दिने आधारभूत पत्रकारिता तालिम तुलसीपुरमा सम्पन्न भएको छ । ग्रिन फाउण्डेसन नेपाल दाङको आयोजनामा भएको तालिममा समाचार, समाचार संकलन, समाचारका स्रोतहरु, समचारका तत्वहरु लगाएतका विषयमा ओपेन्द्र बस्नेत र खोजी पत्रकारिताका विषयमा वसन्त विवस आचार्य, सामुदायिक वनको कार्ययोजना र विधानका विषयमा ग्रिन फाउण्डेसन परियोजना प्रमुख तेजराज वलीले प्रशिक्षण दिनुभएको थियो । साथै परियोजनाको कार्यक्रमहरुको विषयमा फाउन्डेसनका उधम विकास अधिकृत प्रेम सुवेदीले जानकारी गराउनु भयो | फाउन्डेसनका दाङ सचिवले सहजकर्ताको कार्यविभाजन गर्नु भएको थियो |

प्रत्येक सामुदायीक वन समूहमा खट्ने ग्रिन फाउण्डेसनका सहजकर्ताहरुलाई पत्रकारिताका विषयमा आधारभूत ज्ञान दिने उद्देश्यले तालिम आयोजना गरिएको हो । ग्रिन फाउण्डेसनका परियोजना प्रमुख तेजराज वलीको अध्यक्षता एवं तुलसीपुर उपमहानगरपालिका नगर प्रमुख घनश्याम पाण्डेको प्रमुख आथित्यमा तालिम सम्पन्न भएको थियो ।