“सामुदायिक बनको सम्पत्ति: समृद्धि, प्रकृति र सस्कृती” भन्ने नाराका साथ सामुदायिक बन राष्ट्रिय दिवस २०७८ तुलसीपुर बन तथा बाताबरण प्रबर्द्धन शाखा, ग्रीन फाउन्डेसन नेपाल र स्थानीय सामुदायिक बन उपभोक्ता संघको संयुक्त आयोजनामा अन्तरक्रिया कार्यक्रम तुलसीपुरमा सम्पन्न भएको छ ।

FECOFUN तुलसीपुरका अध्यक्ष चन्द्र ब. वलिको अध्यक्षता एवं तुलसीपुर उपमहानगरपालिका बन तथा बाताबरण समिति संयाेजक नबराज लामिछानेको प्रमुख आतिथ्यतामा भएको कार्यक्रममा तुलसीपुर उपमहानगरपालिका १८ का अध्यक्ष माधब वलि, बिजौरी वन सब डिभिजनका अधिकृत कमल पुन, तुलसीपुर उपमहानगरपालिकाका सूचना अधिकारी बाबुराम न्यौपाने, तुलसीपुर उद्योग बाणिज्य संघका अध्यक्ष राम प्रसाद चालिसे, ग्रीन फाउन्डेसन नेपालका प्रेम सुवेदी, वन अधिकृत ॐकान्त भट्टराई, काष्ठ व्यावसायी मान बहादुर केसी, सुरेश रावत, विष्णु केसी लगाएतले बोल्नेभएको थियो ।

ग्रीन फाउन्डेसन नेपाल दाङका उपाध्यक्ष तिलक साहुको स्वागत मन्तव्यबाट शुरु भएको उक्त कार्यक्रमको सहजीकरण ग्रीन फाउन्डेसन नेपाल तुलसीपुरका कार्यक्रम संयाेजक तेज राज ओलीले गर्नुभएको थियो ।